plus4
پێش ٢ ساڵ
راپۆرتێكی بانكی نێودەوڵەتی بۆ ساڵی 2020 ئاماژە بە بەشداری ژنانی عێراق دەكات لەبازاڕەكان و دەڵێت " رێژەی كاركردنی ژنان بۆ كەمتر لە 15% دابەزیوە ".
بەراورد بە رێژەی ژنان لەوەڵاتانی جیهاندا، رێژەی كاركردنی ژنان لە عێراق و ئوردن و لوبنان كەمترینە.
خواستی ژنانی عێراق بۆ كاركردن لە كەرتە گشتی و حكومییەكان زیاترە بەراورد بەكەرتی تایبەت، بەپێی راپۆرتێكی وەزارەتی پلاندانان، بەشداری ژنان لەو دوو كەرتە 78% و 21%ی رێژەی بەشداریانە لەكەرتی تایبەت.
توێژینەوەكەی وەزارەتی پلاندانان، ئاشكرای دەكات كە 82%ی ژنان لەژینگەیەكی مەترسیداردا كاردەكەن لەكاتێكدا 46%ی پیاوان لەو ژینگەیەدان.
بەپێی ئامارەكان، رێژەی ژن لەپۆستی بەڕێوەبەرو یاریدەدەری گشتیدا یەك بەرانبەر نۆ پیاوە.
تەنانەت رێژەی بەشداریان لەكابینەی حكومیشدا پاشەكشێی كردووە بەشێوەیەك لەكابینەی ئەیاد عەلاوی ساڵی 2005، شەش وەزارەتی لەلایەن ژنانەوە پڕكرابونەوە، بەڵام ئەو رێژەیە لەئێستادا كەمبوەتەوە بۆ یەك ژن.
هەرچی بەشداری ژنانیشە لە سلكی سەربازیدا، ئامارە نا فەرمییەكان ئاماژە بۆ ئەوە دەكەن كە لەكۆی 750 هەزار كارمەندی وەزارەتی ناوخۆ، تەنها 10 هەزاریان ژنن، لەو ژمارەیەش ژنانی ئەفسەر لە 250 كەس تێناپەڕێت و بەرزترین پلەشیان ( رائیدە ).
