plus4
پێش ساڵێک
بەهۆی دابەزینی نرخی نەوت لەبازاڕەكانی جیهاندا، داهاتی عێراق لەفرۆشتنی نەوت بەرێژەی 11% بەراورد بەمانگی رابردوو كەمبوەتەوە.
وەزارەتی نەوتی عێراق راپۆرتێكی لەبارەی هەناردەو داهاتی نەوتی مانگی رابردوو بڵاوكردوەتەوە، 99 ملیۆن و 867 هەزار و 946 بەرمیل نەوت هەناردە كراوە و داهاتەكەی هەشت ملیار و 231 ملیۆن دۆلار بوە.
لەكاتێكدا داهاتی مانگی تشرینی یەكەم، نۆ ملیار و 258 ملیۆن دۆلار بوو.
بەپێی راگەیاندراوەكەی وەزارەتی نەوت، دوو ملیۆن و 363 هەزارو 20 بەرمیل نەوتی كەركوك لەرێگەی بەندەری جیهانەوە فرۆشراوە، كە داهاتەكەی زیاتر لە 193 ملیۆن و767 هەزارو 640 دۆلار بوە.
مانگی رابردوو تێكڕا بەرمیلێك نەوت بە 82 دۆلار و 417 سەنت فرۆشراوە.
