plus4
پێش ٢ ساڵ
شوێنی تەقاندنی موشەکەکان و هێرشەکانی سەر کێڵگەی کۆرومۆر ئاشکرابوو، plus4 هەموو نهێنی و زانیارییەکان دەخاتەڕوو.
بەپێی زانیارییەکانی plus4 دوای لێکۆڵینەوە لەشوێنی کەوتنی موشەکەکان، لەلایەن پسپۆرەکانی دژەتیرۆرو کۆماندۆوە توانراوە ئاراستەو شوێنی تەقاندنی موشەکەکان دەستنیشان بکرێت و بدۆزرێتەوە.
هەر بەپێی ئەو زانیاریانە، شوێنەکە کەوتووەتە پشتی ئاوایی جەلال لەسنوری کۆرومۆر کە دەکەوێتە پشتی هێزێکی بەرگری فریاکەوتن، هەروەها لەقوڵایی سنوری ژێر دەسەڵاتی پێشمەرگەیە.
لەئێستادا پۆلیسی نەوت و غازی هەرێم لەشوێنەکە جێگیرکراوەو بڕیاریشە سەنگەرو رەبایە دروستبکرێت.
لیژنەی هاوبەشی نێوان وەزارەتی پێشمەرگەو وەزارەتی بەرگری عێراقیش سەردانی سنورەکەیان کردووەو لێکۆڵینەوەکەیان پشتراستکردووەتەوە.
بەپێی ئەو زانیاریانەی لای plus4، سەکۆی موشەکەکان لەسەر ئۆتۆمبێل بەستراوەو شوێنەواری تایەی ئۆتۆمبێلەکەش لەشوێنەکە هەڵگیراوەتەوە، هێزە ئەمنییەکان پێیان وایە دەستێکی ناوخۆیی سنوری سلێمانیە دەیەوێت بەو هەنگاوە دۆخی یەکێتی تێکبدات.
ئاراستەیەکی دیکەش هەیە پێیان وایە رەنگە گروپێکی چەکدار بێت بەڵام بەبێ هاوکاری کورد ناتوانێت بگاتە ئەو سنورە.
لەچەند کاتژمێری داهاتوودا بڕیارە جموجۆڵێکی سەربازی لەناوچەکە بۆ دەستگیرکردنی ئەنجامدەرانی هێرشەکە ئەنجام بدرێت.
