Plus4
پێش 3 هەفتە
دەڵێن پەرلەمانتاران 100 ملیۆنیان وەرگرتووە
پەرلەمانیش وەڵام دەداتەوە
#ئاژانسی_هەواڵی_plus4
فەرمانگەی ڕاگەیاندنی ئەنجومەنی نوێنەرانی عیراق، لەڕاگەیاندراوێکی فەرمیدا وەڵامی ئەو دەنگۆیانەی دایەوە كە بەناوی گردبوونەوەی نیشتمانیی خانەنشینانی عێراق بڵاوكراوەتەوە کە تێیدا هاتبوو: هەر پەرلەمانتارێكی عێراق بڕی 100 ملیۆن دیناریان بۆ خەرجكراوە وەك پاداشتی كۆتایی خزمەت.
فەرمانگەکە لەوەڵامدا دەڵێت: دەنگۆی خەرجكرنی ئەو بڕە پارەیە بۆ پەرلەمانتارانی عێراق، دوورە لەڕاستییەوەو هیچ بنەمایەکی ڕاستیی تێدا نییە، ئامانجیش لێی سووكایەتیكردنە بەئەنجومەنی نوێنەران و شێواندنی وێنەیەتی لەبەردەم ڕای گشتی.
ڕوونیشیکردەوە: ماوەی زیاتر لەچوار مانگە وەزارەتی دارایی عێراق هیچ تەمویلێكی دارایی لەبوودجەی بەكاربردن بۆ پەرلەمان نەناردووە، بەتایبەت پارەی بەكرێگرتنی خانووبەرەی تایبەت بەئەندامانی ئەنجومەنی نوێنەران .
