ئاژانسی هەواڵی plus4
پێش مانگێک
رێناس تەوفیق راوێژکار لەفەرمانگەی میدیاو زانیاری حکومەتی هەرێم لەپەیجی فەرمی خۆی دەستلەکارکێشانەوەکەی رادەگەیەنێت و ئاماژە بۆ ئەوە دەکات هەرێمی کوردستانی بەجێهێشتووە.
لەبارەی هۆکاری دەستلەکارکێشانەوەکەی، چەند پۆستێکی کردووەو دەڵێت: بەرپرسان بەناوی بنەماڵەی بارزانییەوە هەڕەشەیان لێدەکردن و داوای پەیوەندی خۆشەویستیان لێدەکردن و رەفزم دەکرد، بۆیە هەوڵیاندەدا بەشێتم لەقەڵەم بدەن و ناچار بە خۆکوشتنم بکەن.
لەگرتەیەکی ڤیدیۆییشدا کە بڵاوبوەتەوە، دەڵێت: سێ ساڵ پێش ئێستا لەدووبەی فریویان دام و جوتیار عادل سەرۆکی فەرمانگەی میدیاو زانیاری هەوڵیدا دەستدرێژی سێکسی بکاتە سەرم بەڵام رێگریم کرد و دواتر بۆ ئەوەی سیکورتی بانگهێشت نەکەم چەند بەڵێنێکی پێدام کە نەیانبردە سەر.
ئەو بە پلەی راوێژکار لەفەرمانگەی میدیاو زانیاری بە موچەی شەش ملیۆن و 532 هەزار دینار دامەزرێندراوە بەڵام دەڵێت غەدرم لێکراوەو نیوەی ئەو پارەیەم پێدراوە.
ئێستاش چاوەڕێی مەسرور بارزانی و نێچێرڤان بارزانییە لەسەر ئەو غەدرەی لێیکراوە بێنە دەنگ.
