plus4
پێش ٢ ساڵ
ئەمڕۆ سێشەممە، فەرمانگەی لێکۆڵینەوەی کەرکوک لە دەستەی دەستپاکی فیدڕاڵ بڵاویکردەوە، بەرپرسی بەشی هەڵسەنگاندنی خانوبەرە و زەوی و زار لە دەستەی گشتی (باجی کەرکوک) بە تۆمەتی داواکردنی بەرتیل دەستگیرکراوە .
لە کاتی لێکۆڵینەوەدا دەرکەوتووە، بەرپرسە ژنەکە داوای (٢٠,٠٠٠ )دۆلاری لەخاوەن موڵکێکی گەڕەکی شاترلو کردووە بەرانبەر کەمکردنەوی باج ،بە پێچەوانەوە بڕی باجی ئەو دوو خانوەی خاوەندارێتی دەکات چوار بەرانبەر بەرزدەکاتەوە.
دەستەی دەستپاکی ئاماژەی بۆ ئەوەشکردووە کە دوای ئامادەبونی ژنەکە لە بەردەم دادگای کەرکوک، دادوەر بە کەفالەت ئازادی کردووە.
