plus4
پێش 5 مانگ
محەمەد بەیاتی پەرلەمانتاری پێشووی عێراق ئاشکریکرد، محەمەد شیاع سودانی سەرۆک وەزیرانی عێراق دوا دەرفەتی داوەتە لایەنە سیاسیە براوەکانی کەرکوک بۆ رێکەوتن و پێکهێنانی ئیدارەی نوێی پارێزگاکە لەدوای جەژنی قوربان.
بەیاتی بۆئاژانسی بغداد الیوم وتیشی، ئەگەر ئەم دەرفەتە لەدەستبچێت ئەوە پەنا بۆ دادگای فیدڕاڵی دەبرێت بۆ هەڵوەشاندنەوەی ئەنجومەنی پارێزگای کەرکوک .
ئەوەشی خستوەتەڕوو دەبوایە لەماوەی سێ مانگدا یەکەم دانیشتنی ئەنجومەنی پارێزگای کەرکوک ئەنجامبدرایە، بەڵام تائێستا ئەوە نەکراوە، بۆیە ئێستا تۆپەکە لەگۆڕەپانی دەسەڵاتی یاسادانانە بۆ بڕیاردان و کۆتایی هێنان بەو پروسە سیاسیەی کە روبەڕووی چەندین ئاستەنگ بوەتەوە.
