plus4
پێش ٢ ساڵ
وەزارەتی کاروباری شەهیدان وئەنفالکراوانی هەرێم پارەی سێ ساڵی خوێندکاران وقوتابیانی کچ وکوڕو خێزانی وشەهیدان وئەنفالکراوان خەرج دەکات.
خەلیل ڕەحیم كەریم به‌ڕێوه‌به‌ری كاروباری شه‌هیدان و ئه‌نفالكراوانی كه‌ركوك پاش کۆبونەوەیەکی لەگەڵ وەزیری شەهیدانی هەرێم بۆ پڵەس فۆڕ ئاماژەی بۆ ئەوە کرد خۆشبەختانە توانیمان ڕەزامەندی بەڕێز وەزیر بەدەستبهێنین کە فه‌رمانی وه‌زاری بۆ خه‌رجكردنی پاره‌ی خوێندكاران و قوتابیانی كچ وكوڕ و خێزانی شه‌هیدان و ئه‌نفالكراوان بۆ ساڵی ٢٠١٨ - ٢٠١٩ و ٢٠١٧ - ٢٠١٨ و ٢٠١٦ - ٢٠١٧ وبه‌ره‌و خوار دەربکات،
باسی لەوەش کرد كه به پێی لیست و ڕه‌زامه‌ندی ئه‌و ساڵانه‌ی كه له سه‌ره‌وه ئاماژه‌یان پێ كراوه وبه پێی یاسا و ڕێنمایه دارایی و كارگێرییه‌كان ئەو دەڕماڵەیەیان بۆ سه‌رف ده‌كرێت .
بەڕێوبەری کاروباری شەهیدان وئەنفالکراوانی کەرکوک وتیشی بڕیارە دوای جه‌ژنی ڕه‌مه‌زانی پیرۆز سه‌رجه‌م ئه‌و ناوانه ئاگادار بكه‌ینه‌وه كه سه‌ردانمان بكه‌ن بەمەبەستی وەرگرتنی دەرماڵەکەیان.
_1651187076.jpg)
