plus4
پێش ٢ ساڵ
بافڵ جەلال تاڵەبانی لەمیانی کۆبونەوەیەکیدا لەگەڵ فەرماندە سەربازیەکان رایگەیاند: رێگە بەهیچ كەسێك نادەن هێزی تایبەتی هەبێت و بە هەمووشێوەیەك دژی دەوەستنەوە
وتیشی، لە هەوڵەكانمان بۆ بونیادنانی هێزێكی تۆكمە و مۆدێرن بەردەوامین. مەشقی چڕ و راهێنانی بەردەوامی هێزەكان و دابینكردنی پێداویستییەكان كۆڵەكەی گرنگی سوپایە و ئێمەش دەمانەوێت هێزی پێشمەرگە بە باشترین شێوە ئامادە و پڕچەك بكەین.
لە درێژەی كۆبوونەوەكەدا دوایین جموجوڵ و چالاكییەكانی داعش تاوتوێكران و بافڵ جەلال تاڵەبانی فەرماندە سەربازییەكانی راسپارد بە هەمووشێوەیەك دژی هەر جوڵە و پلانێك بوەستنەوە كە ئارامیی هەرێمی كوردستان بخاتە مەترسییەوە. بۆ ئەمەش كاری هاوبەش و هەماهەنگی هێزی پێشمەرگە و سوپای عێراقی بە گرنگ وەسفكرد.
