plus4
پێش ٢ ساڵ
ئەمڕۆ یەک شەممە ٢١ ی ئابی ٢٠٢٢ کەماڵ کەریمی، ئەندامی ناوەندیی بەڕێوەبەری گشتیی حدکا بە راگەیاند، هەردوو حیزبی دیموکراتی کوردستانی ئێران و حیزبی دیموکراتی کوردستان بە فەرمی یەکیان گرتەوە و وەک یەک حیزب بە ناوی حیزبی دیموکراتی کوردستانی ئێران کار دەکەن.
رێککەوتنەکە لە نێوان مستەفا هیجری، لێپرسراوی گشتیی حیزبی دیموکراتی کوردستانی ئێران و خالید عەزیزی، سکرتێری گشتیی حیزبی دیموکراتی کوردستان واژۆ کراوە.
لەدوای یەکگرتنەوەی هەردوو حیزبەکە، مستەفا هیجری بووە سکرتێری گشتیی حیزبی دیموکراتی کوردستانی ئێران و خالید عەزیزی دەبێتە گوتەبێژی حیزبەکە. هاوکات 12 کەس دەبنە ئەندامی دەستەی بەڕێوەبردن تاوەکو بەڕێوەچوونی کۆنگرە، کە بڕیارە لە ماوەی کەمتر لە ساڵێکدا ببەسترێت.
