plus4
پێش ٢ کاتژمێر
وردەكاری ئاڵوگۆڕی كورسییەكانی پەرلەمان بەپێی یاسای نوێ هەڵبژاردن
كۆمسیۆنی باڵای سەربەخۆی هەڵبژاردنەكان لەبارەی پڕكردنەوەی كورسی پەرلەمان لەحاڵەتی چۆڵبونی بەهەر هۆكارێك، رونكردنەوە دەدات و دەڵێت: لەماددەی 4ی یاسای ژمارە 2 بۆ ساڵی 2025 لەبارەی گۆڕین و پڕكردنەوەی كورسی پەرلەمان هاتووە:
یەكەم/ ئەگەر بەهەر هۆكارێك بێت، كورسییەكی پەرلەمان چۆڵبوو، ئو كاتە خاوەن بەرزرتین دەنگی نێو لیستەكەی لەو بازنەیەی هەڵبژاردن دەچێتە شوێنەكەی.
دووەم/ ئەگەر كورسییەك چۆڵبێت، كورسی كاندیدی سەربەخۆ بێت، ئەوە لەو بازنەیە دەدرێتە كاندیدی هەر حزبێك كە بەرزترین دەنگی هێناوە بەڵام سەرنەكەوتووە.
سێیەم/ ئەگەر ئەو كورسییەی چۆڵبێت تایبەت بێت بە پێكهاتەكان، پێویستە كاندیدێكی تری هەمان پێكهاتە كە بەرزترین دەنگی هەیە شوێنەكەی پڕبكرێتەوە.
چوارەم/ ئەگەر كورسی پەرلەمانتارێكی ژن چۆڵبێت، مەرجە بەژنێكی خاوەن بەرزترین دەنگی لیستەكە شوێنەكەی پڕبكرێتەوە، بەڵام ئەو مەرجە كورسی پێكهاتەكان ناگرێتەوە.
پێنجەم/ ئەگەر كورسی ژنێكی سەربەخۆ چۆڵبێت، پێویستە بە ژنێك لەلیستەكان پڕبكرێتەوە كە بەرزترین دەنگی بەدەستهێناوە
