plus4
پێش ٢ کاتژمێر
پەیامێک لەئاسۆ مامەندەوە
ئاسۆ مامەند سەرپەرشتیاری کەرکوک سەڵاحەدینی یەکێتیی نیشتیمانیی کوردستان پەیامێک ئاراستەی کەرکوکییەکان دەکات
-هاووڵاتییانی خۆشەویست
- جەماوەر و لایەنگر و ئەندامانی یەکێتیی لە پارێزگای کەرکوک
سڵاوی سەرکەوتنی هەڵبژاردنتان لێبێت
بەبۆنەی راگەیاندنی ئەنجامەکانی هەڵبژاردنی ئەنجومەنی نوێنەرانی عیڕاق، جوانترین پیرۆزبایی خۆمان ئاڕاستەی ئەندام و لایەنگر و جەماوەری گەلەکەمان و تەواوی چین و توێژەکانی پارێزگای کەرکوک دەکەین کە زۆر بە گەرم و گوڕی و بەوپەڕی جۆش و خرۆش و دڵسۆزییەوە چوونە سەر سندوقەکانی دەنگدان، و متمانەی خۆیان بە سەرۆک و کاندیدەکانی لیستی (222)ی یەکێتیی نیشتمانیی کوردستان بەخشی.
بەخشینی متمانەی هاووڵاتییانی کەرکوک بە یەکێتیی، ئەرکی نوێنەرەکانمان لە بەغدا و ئیدارە خۆجێیەکاندا قورستر دەکات و سورترمان دەکات لەسەر خزمەتکردنیان.
جەماوەر و هەڤاڵانی یەکێتیی
لە هەڵبژاردنی ئەنجومەنی نوێنەرانی عیڕاقدا لە ساڵی 2021 یەکێتیی 3 کورسی بەدەستهێنا، بەڵام لەم هەڵبژاردنەدا ژمارەی کورسییەکانی بۆ 4 کورسی بەرزبوونەوە. هەروەها بەراورد بە هەڵبژاردنی ئەنجومەنی پارێزگای کەرکوکیش لەم هەڵبژاردنەدا یەکێتیی نزیکەی 30 هەزار دەنگ زیادی کردووە.
ئەوەش سەلمێنەری ئەو راستییەیە کە یەکێتیی نیشتمانیی کوردستان لەگەڵ هاووڵاتییان و جەماوەرەکەیدا راستگۆ بووە و بەڵێنەکانی خۆی جێبەجێ کردووە. تەئکید دەکەینەوە؛ ئێمە لە خزمەتکردنی کەرکوک و پاراستنی خەڵکەکەی بەردەوام دەبین و هیچ هۆکارێک رامان ناوەستێنیت و تا دوا هەناسەمان خزمەتیان دەکەین و دڵنیایان دەکەینەوە؛ کەرکوک دەکەینە کەرکوکێکی گەشەسەندووی نمونەیی و روحی رەوانشاد سەروک مام جەلال ئاسودە دەکەین.
هەر بە سەربەرزی بمێننەوە
سوپاس بۆ وەفاداری و دڵسۆزی و متمانەتان
براتان
ئاسۆ مامەند
