plus4
پێش ٢ ساڵ
لیژنەی لێکۆڵینەوە لەو گرتە ڤیدیۆیەی plus4 بڵاویکردوە کە کچێک دەڵێت بەچاوسورکردنەوە پۆلیسی هاتووچۆی کەرکوک ساڵنامەکەیان بۆ گەڕاندمەوە، ئاشکرابوو کە بەپاڵپشتی ئەفسەرێکی پۆلیس بەپلەی موقەدەم دەستوەردانی کردووەو ساڵنامەکەی لەهاتووچۆ بۆ گەڕاندووەتەوە.
بەپێی زانیاریەکانی plus4 ئەو ئەفسەرە کە لەپێکهاتەی تورکمانە سزا دراوە.
هەروەها ئەفسەرێکی پۆلیسی هاتووچۆ کە کەمتەرخەم بوە و دەستی لەپێدانەوەی ساڵنامەکەو سڕینەوەی سزاکەدا هەبووە، بۆ ماوەی چەند رۆژێک وەک سزا راگیراوە.
پێکهێنانی لیژنەکە دوای ئەوە هات کە plus4 ڤیدیۆی (هیبە دۆلار) کچە مۆدێلی لەکەرکوک بڵاوکردەوە کە سوکایەتی بە پۆلیسی هاتووچۆی شارەکە دەکات و دەڵێت "هەندێ مرۆڤ چارەسەری تەنها چاو سورکردنەوەیە."
