Plus4
پێش 9 کاتژمێر
ئەفسەرێکی خەڵکی نەینەوا کرا بە بەڕێوەبەری شارستانیی کەرکوک
بەڕێوەبەری بەرگریی شارستانیی کەرکوک گۆڕدراو ئەفسەرێکی خەڵکی پارێزگای نەینەوا کرایە بەڕێوەبەر
بەپێی فەرمانێکی کارگێڕی کە لەبەڕێوەبەرایەتیی گشتیی بەرگریی شارستانیی عێراقەوە دەرچووە، بەبڕیاری وەزیری ناوخۆ، ئاڵوگۆڕ لەپۆستی بەڕێوەبەری بەرگریی شارستانیی کەرکوک کرا.
عەمید فازڶ ئیبراهیم لەبەڕێوەبەری بەرگریی شارستانیی کەرکوک دوورخراوەتەوەو لەشوێنەکەی عەمیدی ئاگرکوژێنەوە (حوسام خەلیل) دانراوە.
عەمید حوسام خەلیل بەڕێوەبەرە نوێیەکەی بەرگریی شارستانیی کەرکوک، خەڵکی قەزای تەلەعفەری پارێزگای نەینەوایەو پێشتر بەڕێوەبەری بەرگریی شارستانیی نەینەوا بووە.
لەو 5 ساڵەی ئەم پیاوە بەڕێوەبەر بەرگریی شارستانیی نەینەوا بووە، دوو کارەساتی دڵتەزێن ڕوویانداوە کە یەکێکیان ژێر ئاوکەوتنی پاپۆڕەکەی موسڵ و ئەوەی تریش ئاگر کەوتنەوەکەی هۆڵی بۆنەکانی حەمدانییە بوو کە بەهۆیانەوە سەدان هاووڵاتی گیانیان لەدەستداو برینداربوون، 60 دۆنم لەدارستانی موسڵ سووتا.
تاپێش گواستنەوەشی بۆ کەرکوک، یاریدەدەری بەڕێوەبەری گشتییی بەرگریی شارستانیی عێراق بوو.
