Plus4
پێش 8 کاتژمێر
دوو گەورەترین پرۆژە لەمێژووی کەرکوک جێبەجێ دەکرێت
بەهەوڵی رێبوار تەها پەرێزگاری کەرکوک لەئێستادا ئامادەکاری دەکرێت بۆ نۆژەنکردنەوەی قەڵای کەرکوک و بینای قشلە کە دوو شوێنی مێژوویی و دێرینی شارەکەن و بڕی 30 ملیار دیناری بۆ تەرخانکراوە.
بەپێی زانیارییەکان ،ئامادەکارییەکان و لایەنە هونەریەکان هەردو پرۆژەکە تەواوو بووەو لەئێستادا چەندین کۆمپانیای عێراقی و تورکی و میسری رەکاربەری لەسەر وەرگرتنى پرۆژەی نۆژەنکردنەوەی قەڵای کەرکوک دەکەن، بەڵام جەختی لەسەر ئەوە دەکرێتەوە کە دەبێت پرۆژەکە بدرێت بە کۆمپانیایەکی پسپۆڕو تایبەتمەند کە بتوانێت پارێزگاری لە نەخشەی دێرین و تەلارسازی قەڵاکە بکات.
ئەو شوێنانەی لەنێو قەڵای کەرکوک نۆژەندەکرێنەوە بریتین لە مزگەوت و کڵێساو قوتابخانەو بینا کلتورییەکان، لەگەل دەروازەکای قەڵاکەو شوراەکەی.
هاوکات بەهەمان شێوە رێوشوێنەکانی نوژەنکردەوەی بینای قشلەی کەرکوک کۆتایی هاتووەو رەوانەی وەزارەتی رۆشنبیری کراوە تا پارەی پێویستی بۆ دابین بکرێت و بەهەمان شێوە بەدیزاینی خۆی نۆژەنکردنەوەی بۆ دەکرێت.
