plus4
پێش 8 کاتژمێر
لەئێوارەی دوێنێوە جوتیارێک لەسنوری پردێ لەلایەن سێ چەکدارەوە رفێندراوەو بێ سەروشوێنە
سەرچاوەیەک لەسنوری ناحییەی پردێ بە plus4ی راگەیاند، ئێوارەی دوێنێ لە نێوان گوندی گەڵۆزی و قەرەبەگی سەر بەناحیەی پردێ، سێ چەکدار کە گومان دەکرێ سەر بە د۱۱عـ..ــش بن هاوڵاتییەکیان بەناوی ئاری ڕەمەزان عوسمان رفاندووە.
وتیشی، گەنجە رفێندراوەکە پیشەی جوتیارەو ئۆتۆمبیلێکی جۆری بیکاب توێتای پێ بووە.
ئەوەشی خستەڕوو ، دوای ئەوەی کەس و کاری ڕفێنراوەکە هێزە ئەمنیەکان ئاگادار دەکەنەوە، کاتژمێر هەشتی بەیانی ئەمڕۆ ئۆتۆمبێلەکەی لەنێوان گوندی بیبانی و کەلهوڕ بەجێهێلراوی دۆزراوەتەوە، بەڵام رفێندراوەکە تائێستا بێ سەروشوێنە.
