Plus4
پێش هەفتەیەک
دەستەی دەستپاکی عێراق ئاشکرایکرد، دادگای تاوانەکانی کەرکوک، بەشێوەی غیابی و بەتاوانی وەرگرتنی بەرتیل ، سزای شەش ساڵ زیندانی بەسەر تاوانباری هەڵهاتوو (هەنا عەبدولکەریم حەسەن بەیاتی) سەپاندووە ، کە بەرپرسی هۆبەی زەوی و زاربووە لە فەرمانگەی باجی یەکی کەرکوک.
بەپێی راگەیەندراوێکی دەستەکە، داگای تاوانەکانی هەمان تاوانباری لە دۆسەیەکی دیکەدا بە چوار ساڵ زیندانی سزاداوە.
دەشڵێت سزای دووەمی ئەو تاوانبارە، بەهۆی دەستکاریکردنی تۆمارەکانی باج بووە تایبەت بەیەکێک لە موڵکەکان و کەمکردنەوەی باجی سەر موڵکەکەکە بەپێچەوانەی یاسا کارپێکراوەکان.
هاوکات دادگا بڕیاری دا بەدەستبەسەرداگرتنی سەروەت و سامانی تاوانبارو هەروەها ڕێگریکردن لە گەشتکردنی، و پێدانی مافی لایەنی زیانلێکەوتوو کە داوای قەرەبوو بکاتەوە دوای ئەوەی بڕیارەکان شێوەی کۆتایی وەردەگرن.
