plus4
پێش 3 هەفتە
تەندروستی کەرکوک سەرکەوتنی نەشتەرگەرییەکی قەیسەری بۆ لەدایکبوونی دوانەیەکی بەیەوە لکاو راگەیاند کە هەردوو کۆرپەکە بەشداری یەک دڵ دەکەن.
تەندروستی کەرکوک رونیکردوەتەوە لەهەموو جیهان یەک لەسەر 50.000 بۆ 200.000 لەدایکبوونی لەو جۆرە رودەدات و رێژەی مانەوەیان بەزیندووی لەدوای لەدایکبوون 25 ٪ .
دەشڵێت، دوای نەشتەرگەرییە لەئێستادا دۆخی تەندرستی دایک و دوانەکە جێگیرە.
بەپێی وتەی د. ئوسامە شەهادە عوبەیدی پزیشکی دەرمانساز و بەڕێوەبەری نەخۆشخانەی منداڵان و ژنان ، حاڵەتەکانی دوانەی بەیەکەوە لکاو کە تیایدا لەئەندامە گرنگەکانی وەک دڵ هاوبەشن، حاڵەتێکی دەگمەن و ئاڵۆزن کە پێویستیان بە پلانی ورد و کاری نەشتەرگەری هەیە لەلایەن چەند تیمێکی پزیشکییەوە. لەم حاڵەتەدا زۆر بە وردی بەدواداچوون بۆ دووگیانیەکە کرا بۆ دڵنیابوون لە تەندروستی دایک و دووانەکان.
