ئاژانسی هەواڵی plus4
پێش مانگێک
یەکێک لەو ئەندامانەی تائێستا بەشداریی لەکۆبوونەوەکانی ئەنجومەنی پارێزگای کەرکوکدا نەکردووە، لەڕێگەی plus4ەوە هەواڵی بەشداریکردنی لەکۆبوونەوەی داهاتووی ئەنجومەنەکە ڕادەگەیەنێت.
ئەحمەد ڕەمزی کۆپرلوو؛ ئەندامی هەڵبژێردراوی ئەنجومەنی پارێزگای کەرکوک، لەسەر لیستی جەبهەی توکمانی، لەدیدارێکیدا لەگەڵ ئاژانسی هەواڵی plus4 ڕایگەیاند: لەکۆبوونەوەی داهاتووی ئەنجومەنی پارێزگای کەرکوک کە بڕیارە نیوەڕۆی سبەی سێشەممە، سەبارەت بەخراپیی دۆخی کارەباو زۆریی نرخی ئەمپێری مووەلیدە ئەهلییەکان ئەنجامبدرێت.
ئەمە بەهەنگاوێکی ئەرێنی بۆ بەشداریکردنی ئەندامانی تری ئەنجومەن لەبەرەی بایکۆت دادەنرێت.
هەرچەندە کۆپرلوو ئاماژەی بۆ ئەوە کرد تائێستا ڕوون نییە کە ئایا بەشداریی کۆبوونەوەکانی دواتری ئەنجومەن دەکات یاخوود نا، بەڵام بەهۆی ئەوەی کۆبوونەوەکەی سبەی پەیوەستە بەژیان و گوزەرانی هاووڵاتیانەوە، بۆیە بەشداریی تێدا دەکەم.
