plus4
پێش مانگێک
نەجات حسێن ئەندامی پێشووی ئەنجومەنی پارێزگای كەركوك لە میانەی بەشداریكردنی لە دیبەیتێكدا كە ئەمڕۆ لە شاری كەركوك رێكخرا رایگەیاند، لەدوای پرۆسەی ئازادی عێراقەوە كورد وەكو دەسەڵاتداری یەكەمی كەركوك هەڵەی گەورەی كردو تێبینی زۆریان لەسەر هەبوو، بەڵام لەگەڵ ئەوەشدا بەردەوام ئامادەبوو هەماهەنگیمان لەگەڵ بكات هەرچی ئێمە بیڵێین نەیگەڕێنێتەوە، كەچی ئێمەی توركمان لووت بەرزبوین و دەستمان بەعەبای عەرەبەوە گرتبوو، كەتا ئێستاش ئەو سیاسەتە بەردەوامە.
وتیشی، ئەمریكییەكان داوایەكی زۆریان لێمان كرد بچینە دانوستانەوەو لەگەڵ كوردو پۆستی جێگری پارێزگارمان بۆ وەربگرن، بەڵام ئەوكات حەسەن تۆران ئەو هەلەی لەباربرد چونكە لەگەڵ عەرەب رێكەوتنیان هەبوو تاوەكو دانوستان لەگەڵ كورددا نەكەن و وەكو ئۆپۆزسیۆن خۆیان نیشان بدەن، كەچی لەدوا ساتەكاندا عەرەب بەئامادەبووونی ئەمریكییەكان لەگەڵ كوردا دانیشتن و پۆستی جێگری پارێزگاریان وەرگرت.
بەوتەی نەجات حسێن ئەگەر توركمان ئەو هەڵەیەی نەكردایە ئەوە لەدوای 16ی ئیكتۆبەر بۆ ماوەی 7 ساڵ پارێزگاری كەركوك لای توركمان دەبوو.
