ئاژانسی هەواڵی plus4
پێش مانگێک
لە وەڵامی نوسراوی ئەنجومەنی پارێزگای کەرکوک سەبارەت بە پێویستی چاپکردنی پرسیاری تاقیکردنەوەکان بەزمانی کوردیش لە پاڵ زمانی عەرەبی، بەو پێیەی بەشێکی زۆر خوێندکاران خوێندنی کوردیان تەواوکردووەو زمانی عەرەبی نازانن، وەزارەتی خوێندنی باڵاو توێژینەوەی زانستی عێراق لە نوسراوێکی ئاماژە بۆ ئەوە دەکات ، لەڕێی پێکهێنانی لیژنەیەکەوە تاوتوێی داواکارییە دەکات و لەوەڵامەکەشیدا ئەنجومەنی پارێزگای کەرکوکی لێ ئاگادار دەگاتەوە.
ساڵی رابردوو بەشێی زۆر خوێندکارانی کوردی کۆلێژو پەیمانگاکانی کەرکوک ئەوانەی قۆناغەکانی خوێندنیان بە زمانی کوردی تەواوکردووە، بەهۆی چاپنەکردنی پرسیارەکان بەزمانی کوردی توشی گرفتی زۆربونەوەو بەشێکیشیان هۆڵەکانی خوێندنیان جێهێشت و گردبونەوەی ناڕەزاییان ئەنجامدا.
