ئاژانسی هەواڵی plus4
پێش ٢ مانگ
ڕێبوار تەها؛ پارێزگاری کەرکوک، لەڕاگەیاندراوێکدا ئاشکرایکرد: ئەمڕۆ سەرۆک وەزیرانی عێراق ڕەزامەندیی دەربڕی لەسەر گواستنەوەی دەسەڵاتەکانی وەزارەتی ئاوەدانکردنەوەو نیشتەجێبوون و شارەوانییەکان و وەرزش و لاوان و کارو کاروباری کۆمەڵایەتی و کشتووکاڵ بۆ ئیدارەی کەرکوک.
بڕیارەکەش لەسەر پێشنیازی ڕێبوار تەها پارێزگاری کەرکوک دراوە، دوای ئەوەی ئەمڕۆ لەکۆبوونەوەی دەستەی باڵای هەماهەنگی نیوان پارێزگاکان بەسەرۆکایەتیی محەمەد شیاع سودانی دەنگی لەسەر درا.
گواستنەوەی دەسەڵاتی بەڕێوەبەرایەتی و دامەزراوەی وەزارەتەکانی سەر بە بەغدا بۆ ژێر دەسەڵاتی ئیدارەی کەرکوک، بەتایبەت بەڕێوەبەرایەتییەکانی شارەوانییەکان، ئاوەدانکردنەوەو نیشتەجێبوون، دەبێتە مایەی بەرەوپێشچوونی پارێزگاکە لەڕووی خزمەتکردنی هاووڵاتیان و بەرەوێشبردنی ئاوەدانکردنەوە لەپارێزگاکە.
