وةزارةتي دراييي بةياننامة
ئاژانسی هەواڵی plus4
پێش 3 هەفتە

وەزارەتی دارایی حكومەتی عێراق لەبەیاننامەیەكدا بڵاویكردەوە، بەپێی پارەی تەرخانكراو لە بڕگەی (هـ)ی یاسای بودجەی فیدراڵی كە لەلایەن ئەنجومەنی وەزیران و پەرلەمانەوە پەسەندكراوە، هاوشێوەی فەرمانبەرانی فیدراڵی، موچەو شایستەی فەرمانبەرانی هەرێمی كوردستانی خەرچكردووە.

 

وەزارەتی دارایی دەڵێت، سەرەڕای پابەندنەبوی هەرێم بە ناردنی داهاتە نانەوتییەكان كە بەپێی داتاكان (4.350) ملیار دینارە و دادگای فیدراڵی لەبڕگەی 3ی بڕیارەكەیدا هەرێمی بەرادەستكردنی داهاتەكە پابەندكردووە، بەڵام ئەوان موچەی ( خانەنیشنان، تۆڕی كۆمەڵایەتی، فەرمانبەرانی مەدەنی و سەربازی )ی حكومەتی هەرێمیان خەرچكردووە.

 

 
وەزارەتی دارایی بەژمارەو داتا ژمارەی ئەو پارانە ئاشكرا دەكات كە لەساڵی 2024 وەك مچەی فەرمانبەرانی هەرێم رەوانەی هەرێمی كردووەو دەڵێت: سەرەڕای زیادەڕۆییەكان لەخشتەی (هـ)ی پارەی تەرخانكراو و خەرچكردن لەداهاتی ناەوتی پێش رێوشوێنی گواستنەوەكان بەپێی رێكارەكان حكومەتی عێراق، شایستەی فەرمانبەرانی هەرێمی لەفەرمانگە مەدەنییەكان و هێزە ئەمنییەكان خەرچكردووە كە بڕەكەی (9 ملیار و 556 ملیۆن و 348 هەزار دینار) بوە.

 

هەروەك موچەی تۆڕی پاراستنی كۆمەڵایەتی (130 ملیار و 931 ملیۆن) دینار و موچەی خانەنشینانی سەربازیش ( 650 ملیار و 40 ملیۆن دینار )، موچەی خانەنشینی مەدەنی ( 776ملیار و 657 ملیۆن دینار )، موچەی كەسوكاری ئەنفالكراوان ( 98 ملیار و 346 ملیۆن دینار )، منحەی موچەی زیندانیانی سیاسیش ( 10 ملیار و 721 ملیۆن دینار )بوە.

 

 
وەزارەتی دارایی تەئكید دەكاتەوە بەپێی رێكارەكانی پارەداركردنی یەكەكانی خەرجی، وەزارەتی دارایی فیدڕاڵ موچەی هەرێمی بەشێوەی مانگانە بۆ حكومەتی هەرێم رەوانە كردووە، بەڵام حكومەتی هەرێم پابەند نەبوە بەدابەشكردنی موچەی مانگانە سەرەڕای پارەداركردنیشی لەلایەن وەزارەتی داراییەوە هاوشێوەی فەرمانبەرانی فیدڕاڵ.

 

وەزاەرتی دارایی عێراق ئاماژە بۆ ئەوە دەكات كە بەرپرسیارێتی خەرچكردنی موچەی فەرمانبەرانی هەرێم لەكاتی خۆیدا و بەشێوەی مانگانە لەئەستۆی ئەودا نییە و دواكەوتنی خەرچكردنی پارەكەش لەئەنجامی پابەندنەبونی حكومەتی هەرێمە بەبڕیارەكانی دادگای فیدڕاڵی كە دەبێت موچەی فەرمانبەرانی تەوتین بكات.