plus4
پێش 3 ڕۆژ
فەرمانگەی ئاوی کەرکوک ئاشکرایکرد، یەکەمین پڕۆژەی ئاوی خواردنەوە لە قەزای داقوق جێبەجێ دەکرێت کە لەمێژووی قەزاکە وێنەی نەبووە.
عەباس مەردان بەڕێوەبەری فەرمانگەی ئاوی کەرکوک رونیکردەوە، توانای پرۆژەکە دەگاتە 2000 مەتر لە کاتژمێرێکداو تێچوەکەشی 40 ملیار دینارە.
وتیشی، هیچ رۆژەیەکی ئاوی خواردنەوە لە داقوق بوونی نییە، بەو پێیە پشت بەئاوی ژێر زەوی دەبەستێت و ئەم رۆژەیەش دەبێتە یەکەمین پرۆژەی ئاوی خواردنەوە لەمێژووی قەزاکەدا .
مەردان بۆ سایتی شەفەق نیوز راشیگەیاندووە، دیزاینی تایبەتی پرۆژەکه کۆتایی هاتووە و لەئێستادا رەوانەی وەزارەتی پلاندانان کراوە بەمەبەستی پەسەندکردنی.
