plus4
پێش ٢ ساڵ
ئەمڕۆ چوارشەممە، بەسەرپەرشتی ئاسۆ مامەند سەرپەرشتیاری کەرکوک - سەڵاحەدینی یەکێتی کۆبونەوەیەکی تایبەت لەبارەگای مەکتەبی سیاسی حزبەکە لە کەرکوک ئەنجامدرا.
بەپێی راگەیاندراوێکی نوسینگەی رۆژنامەوانی سەرپەرشتیاری کەرکوک - سەڵاحەدینی یەکێتی، لەکۆبونەوەکەدا خالید شوانی و رزگار حاجی حەمە ئەندامانی مەکتەبی سیاسی و تەواوی سەرکردایەتیەکانی کەرکوک و سەڵاحەدین ئامادەبونە.
بەپێی زانیاریەکانی plus4 لەکۆبونەوەکەدا ئەندامانی مەکتەبی سیاسی و سەرکردایەتی کە ئامادەی کۆبونەوەکە بونە، جەختیان کردووەتەوە کە نابێت یەکێتی سازش لەسەر ماف و داخوازیەکانی خەڵکی کەرکوک و ناوچە جێناکۆکەکان بکات و دەستوریش بکاتە سەنگەری بەرگریکردن لەخەڵکی کوردستان.
هەروەک مەلەفی ئەمنی و خزمەتگوزاری و ئیداری تاوتوێکراوەو بەتێکڕا جیاکاری و پەراوێزخستنی کوردیان لەئیدارەدانی کەرکوک رەتکردووەتەوە.
لەراگەیاندراوە فەرمیەکەشدا ئاماژە بۆ ئەوەدەکات، ئاسۆ مامەند "هەفتەی یادی یەکێتی" راگەیاندووە، ئەندامانی سەرکردایەتی حزبەکەی راسپاردووە لەو هەفتەیەدا سەردانی کەسوکاری شەهید و ئەنفالکراوان بکەن و گوێ لەداواکاری چین و توێژەکان بگرن.
