ئاژانسی هەواڵی plus4
پێش ٢ کاتژمێر
ئەمڕۆ چوارشەممە 27-11-2024، پەروەردەی كەركوك نوسراوێكی ئاراستەی بانكی رافدێنی عێراق كردووە و داوای تەوتینكردنی موچەی مامۆستاو فەرمانبەرانی خوێندنی كوردی دەكات.
نوسراوەكەی پەروەردەی كەركوك بەژمارە 69895 دەرچووە و واژوی حەیدەر قاسم غائب بەڕێوەبەری كاروباریی دارایی لەسەرەو ئاراستەی لقی نوڕی بانكی رافیدێن كراوە و سەبارەت بە تەوتینی موچەی مامۆستا و فەرمانبەرانی خوێندنی كوردی پرسیار دەكات.
لەنوسراوەكەدا هاتووە كە خوێندنی كوردی یەكێكە لەبەشەكانی بەڕێوەبەرایەتییەكەیان و لەروی داراییەوە سەر بە وەزارەتی پەروەردەی حكومەتی هەرێمە، پرسیار دەكات كە دەتوانن موچەكانیان تەوتین بكەن یاخود نا.
نوسراوەكەی پەروەردەی كەركوك بەشێكە لەو رێوشوێنانەی بۆ تەوتیكردنی موچەی فەرمانبەرو مامۆستایانی خوێندنی كوردی دەگیرێتەبەر و بەهەنگاوی یەكەم دادەنرێت.
لەماوەی رابردوودا حكومەتی هەرێم داوایكرد، لەسیستمی هەژماری من بەشداربن، بەڵام بەپێی زانیارییەكانی پڵەس فۆڕ، بەتەنها مامۆستایانی سەر بەپارتی فۆڕمەكەیان پڕكردووەتەوەو مامۆستایانی یەكێتیی رەتیانكردووەتەوە لەهەژماری من بەشداربن.
