ئاژانسی هەواڵی plus4
پێش ٢ کاتژمێر
دەستەی کەشناسیی عێراق ڕایگەیاند: پێشبینیدەکرێت لەچەند کاتژمێری داهاتوودا، باران لەچەند پارێزگایەکی عێراق ببارێت.
بەپێی پێشبینیی دەستەکە، ئەگەری باران بارین لەکاتژمێرەکانی ئێوارەی ئەمڕۆو بەرەبەیانی سبەی سێشەممەدا شاری کەرکوک و چەند پارێزگایەکی تری عێراق و هەرێمی کوردستان دەکرێت، لەگەڵ بوونی هەورە تریشقەدا.
دەستەی کەشناسیی عێراق دەڵێت: لەهەندێک ناوچە بەشێوەیەکی جیاواز باران دەبارێت، لەبارینێکی کەم و مامناوەندەوە تا بارانی بەخووڕ کە بەپێی پێشبینییەکانی دەستەکە، ئەم بارانە بەخووڕە پارێزگاکانی سلێمانی و دیالە دەگرێتەوە.
