plus4
پێش ٢ ساڵ
ئەمرۆ پێنجشەممە 19ی ئایار، دوای شەش مانگ لەتاوانی كوشتنی دوو هاوسەرەكەی گەڕەكی شۆراو، دادگای تاوانەكانی كەركوك سزای یاسایی بۆ دووان لەئەنجامدەرانی تاوانەكە دەركرد.
سەرچاوەیەك لەدادگای كەركوك تایبەت بە plus4ی راگەیاند: دووان لە ئەنجامدەرانی تاوانەكە سزای لەسێدارەدانیان بۆ دەرچووە، ئەو ژنەشی لەگەڵیاندا بەشداربوە دەركردنی سزاكەی بۆ هەفتەی داهاتوو دواخراوە.
تاوانەكە رۆژی 18ی تشرینی دووەمی ساڵی رابردوو لەگەڕەكی شۆراو رویدا، كاتێك ژن و پیاوێك بەكوژراوی لەماڵەكەی خۆیاندا دۆزرانەوە، دواتر پۆلیسی نەهێشتنی تاوانەكانی كەركوك ئاشكرایكرد، ئەنجامدەرانی تاوانەكە سێ كەس بونە ( دوو پیاو و ژنێك ) خزمی نزیكی خێزانەكە بونە و بەمەبەستی دزینی پارەكەیان ئەو تاوانەیان ئەنجامداوە.
تاوانبارەكان دوای هەڵاتنیان لەشاری بەسڕە دەستگیركران.
