plus4
پێش مانگێک
رۆژی سێشەممە 24ی ئەیلولی 2024، بڕیارە هەردی محەمەد رۆژنامەنوس و پەیامنێری کەناڵی روداو لەسەر سکاڵای دەزگایەکی ئەمنی لەدادگای کەتنی کەرکوک دادگایی بکرێت.
هەردی محەمەدی رۆژنامەنوس لەواڵەکەی خۆی لەسەر تۆڕی کۆمەڵایەتی فەیسبوک نوسیوێتی: بەهۆی راپۆرتێکی رۆژنامەوانیمان لەساڵی2021 لەگەڕەکی کوردستان و دواتر راپۆرتێکی دیکەمان لەسەر گیان لەدەستدانی پیاوێک لەکاتی دەستگیرکردنی ساڵێک دواتر، دەزگای ئاسایشی نیشتمانی سکاڵایان لەدادگا لەسەر تۆمار کردم
دووجار لەدادگا ئامادەبووم، بەڵام ئێستا سکاڵاکە بەرزەوەبوەتەوە بۆ دادگای کەتن و ئاگادارکردنەوەم بۆ هاتووە کە پێویستە رۆژی سێشەممە 24/9/2024 ئامادەبم بۆ بڕیاردان لەسەر سکاڵاکە لەلایەن دادوەری دادگا و دادگایی کردنمان بەپێی ماددەی433ی یاسای سزادانی عێراقی.
دەشڵێت: ئەوەی بۆ ئێمە جێگای سەربەرزیە بڕیاری دادگا لەسەر سکاڵاکە هەرچییەک بێت ،ئێمە بە پیشەییەوە کاری خۆمان کردووەو دەنگ و رەنگی ئەو خەڵکەمان گەیاندووە کە گرفت و کێشەیان هەبووە.
ماددەی 433 لەیاسای سزادانی عێراق تایبەتە بە جوێندان و قسەی نەشیاو، سزاکەشی زیندانیکردنە کە لەساڵێک زیاتر نییە لەگەڵ پێ بژاردن یاخود بەیەکێک لەو سزایانە.
