ئاژانسی هەواڵی plus4
پێش مانگێک
رێبوار تەها، پارێزگاری کەرکوک و سەرۆکی لیژنەی باڵای ئەمنی پارێزگاکە دووپاتیکردەوە، ئیدارەی کەرکوک ڕێگە نادات بە سەرپێچیکاران و ئەوانەی گۆڕەپانەکان بەکاردەهێنن بۆ بەرژەوەندی خۆیان و زیانگەیاندن بە هاوڵاتیان و جەختیشی لەوە کردەوە کە ئامانجمان جێبەجێکردنی یاسا و خزمەتکردنی هاوڵاتییانە.
پارێزگاری کەرکوک لەکوبونەوەیەکیدا لەگەڵ بەرپرسانی گومرگی ناوچەی باکوور و بەرپرسی بازگەکان لە پۆلیسی کەرکوک و بەڕێوەبەرانی هاتوچۆ و دابەشکردنی کارەبا و یاریدەدەرایەتی گومرگی کەرکوک، پرسی ئاسانکاری بۆ گواستنەوەی کەلوپەل و بارهەڵگرەکان بەپێی چوارچێوە یاساییەکان و ڕێگریکردن لە سەرپێچیکاران لە وەرگرتی سەرانە لە شۆفێران بە شێوەیەکی نایاسایی تاوتوێکردوە لەگەڵ گرتنەبەری ڕێوشوێنی پێویست بەپێی ڕێنماییەکان دەرهەق بە سەرپێچیکاران.
