plus4
پێش 3 مانگ
پلەس4 بەرپرسێکی کەرکوک ناچاردەکات داوای لێبوردن لەقەرەهەنجیر بکات
دوای وڕوژاندنی بابەتی بەکارهێنانی ناوی ( الربیع ) لەجێی ناحیەی قەرەهەنجیر لەلایەن plus4ـــەوە، سەباحەدین ساڵحی سەرۆکی ژوری بازرگانی کەرکوک داوای لێبوردن دەکات و پۆزش دەهێنێتەوە.
سەرۆکی ژوری بازرگانی کەرکوک دەڵێت: زۆر داوای لێبوردن دەکەم ناوبردنی قەرەهەنجیر بە ( ربیع ) هەڵە بوە و لێمان تێکچووە.
پێشتر ئاژانسی plus4 نوسراوێکی ژوری بازرگانی کەرکوکی بڵاوکردەوە کە ناحیەی قەرەهەنجیری بە ربیع ناوبردبوو، لەکاتێکدا ئەو ناوە پێشتر بەعس سەپاندووێتی و لەساڵی 2010 لیژنەی مادەی 140 دەیگەڕێنێتەوە بۆ ناحیەی قەرەهەنجیرو دواتر لە2013 ئەنجومەنی پارێزگا بەفەرمی بڕیار دەدات ناوی قەرەهەنجیر بگەڕێنرێتەوە.
هەواڵەکە، کاردانەوەی گەورەی لێکەوتەوەو بەڕێوەبەری ناحیەی قەرەهەنجیریش لەبەیاننامەیەکدا رایگەیاند کە بیرکردنەوە بە ئەقڵی شۆڤێنی بەتایبەت لەم دۆخە هەستیارەدا زیانی گەورە لە برایەتی و تەبایی دەدات.
