plus4
پێش 5 مانگ
لەسەر داوای وەزارەتی پلاندانی عێراق دوو ڕۆژی تر لەمساڵدا كرایە پشووی فەرمی و سەرجەم عێراق و هەرێمی كوردستانیش دەگرێتەوە .
ئەمڕۆ دووشەممە رۆژنامەی سەباح ی زمانحاڵی فەرمی حكوومەتی عێراق بڵاوی كردووە لەسەر داوای وەزارەتی پلاندانان، بڕیار درا دوو ڕۆژی تر لە ئەمساڵ بكرێتە پشووی فەرمی.
ئەو دوو ڕۆژەی كراوەتە پشوو بریتین لە ٢٠ و ٢١ـی تشرینی دووەمی ئەمساڵ كە دەكاتە مانگی ١١ـی ئەمساڵ.
لەبارەی هۆكاری پشووەكە ئاماژە دراوە، بەهۆی ئەنجامدانی سەرژمێرییە لە تەواوی عێراق و هەرێمی كوردستان كە زیاتر لە ٣٠ ساڵە ئەنجام نەدراوە.
بڕیارە لە ٢١ـی تشرینی دووەمی ئەمساڵ سەرژمێریی سەرانسەری لە عێراق و هەرێمی كوردستان ئەنجام بدرێ، لە ئێستاشدا ئامادەكارییەكان دەستی پێ كردووە .
