plus4
پێش 6 مانگ
بەڕێوەبەرایەتیی کاروباری کۆنترۆڵی بازگەکان لەکەرکوک، دەستگیرکردنی (34) کەسی داواکراو و سەرپێچیکاری لەماوەی 72 کاتژمێردا ڕاگەیاند.
مەفرەزەکانی بەشی کاروباری بازگەکانی پۆلیسی کەرکوک، لەماوەی 72 کاتژمێری ڕابردوو، توانییان (34) کەسی داواکراو بەپێی ماددەی جۆراوجۆری یاسایی دەستگیربکەن، کە هەریەکەیان بەڕێگەی نایاسایی و بەشێوەی سەرپێچی هەوڵی هاتنە نێو شاری کەرکوکیان داوە.
هەریەک لەو سەرپێچیکارانە کەلوپەلی قەدەغەکراویان پێبووەو پاش پشکنین و ئاشکرابوونیان لەلایەن کارمەندانی بازگەکانەوە، دەست بەسەر ئەو کەلوپەل و ئۆتۆمبێلانەدا گیران کە ویستبوویان لەڕێگەیەوە بێنە نێو شارەکەوە.
