plus4
پێش 7 مانگ
سەرچاوەیەک لەوەزارەتى دارایی هەرێم ڕایگەیاند: بەردەوامن لەئامادەکردنى لیستى مووچەى مانگى ئازارى فەرمانبەرانى هەرێم و لیستەکە بە پلە بەرزکردنەوەوە ئامادە دەکرێت.
سەرچاوەکەى وتیشی: سبەی لیستى مووچەى مانگى ئازار ئامادە دەکەن و لە لیستەکەدا پلە بەرزکردنەوەى فەرمانبەران جێگیرکراوە، بەڵام گەر لیستەکە تەواو نەبوو دەخرێتە ڕۆژى دووشەممەوە.
بەپێی وتەی سەرچاوەکە: چاوەڕوانن ڕۆژى دووشەممە بەغدا پارەى مووچەى هێزە ئەمنىیەکان بنێرێت، بەڵام بەغدا تێبینیی لەسەر مووچەى نزیکەی 85 هەزار مووچەخۆرى سەربازى هەیە، ئەگەریش هەیە بەغداد مووچەى ئەو 85 هەزار ئەندامەى هێزە ئەمنىیەکان نەنێرێت.
سەرچاوەکەی وەزارەتی دارایی دەڵێت: گەر بەغدا پارەى مووچەى هێزە ئەمنى و سەربازییەکان بنێرێت ئەوا مووچەى ئەوانیش لەداهاتى ناوخۆ دابەشدەکرێت، بەڵام گەر بەغدا پارەى ئەو هێزانە دوابخات ئەوا مووچەى مامۆستایانى وانەبێژیش دوادەکەوێت.
