plus4
پێش 7 مانگ
ئەندامێکی ئەنجومەنی پارێزگای کەرکوک لەپێکهاتەی عەرەبی دەڵێت، دەستپێشخەرییەکەی محەمەد شیاع سودانی سەرۆک وەزیرانی عێراق کێشەی کەرکوکی چارەسەر نەکردووە و تائێستا لایەنەکان سورن لەسەر داواکارییەکانیان.
محەمەد ئیبراهیم ئەندامی ئەنجومەنی پارێزگای کەرکوک لەسەر لیستی القیادە لەلێدوانێکیدا بۆ ئاژانسی بغداد الیوم پێی وایە، باشترین چارەسەر بۆ دۆخی ئێستای کەرکوک مانەوەی راکان جبورییە لەپۆستەکە.
ئاماژەی بۆ ئەوەشکردووە ، لەداهاتودا کۆبونەوەی دیکە لەگەڵ سودانی بەڕێوەدەچێت بەمەبەستی رێکەوتن لەسەر پێکهێنانی ئیداری نوێی پارێزگاکە.
لێدوانی ئەندامەکەی قیادە لەکاتێکدایە کورد خاوەنی 8 کورسی ئەنجومەنی پارێزگای کەرکوکەو یەکێتی نیشتیمانی کوردستانیش وەکو براوەی یەکەمی هەڵبژاردنەکە سورە لەسەر بەدەستهێنانی پۆستی پارێزگاری کەرکوک و بەشداریپێکردنی سەرجەم پێکهاتەکان لەئیدارەی نوێی پارێزگاکە.
