plus4
پێش 8 مانگ
خەمیس خەنجەر سەرۆکی حزبی سیادە لەکەرکوکە و لەگەڵ ئەندامانی عەرەب لەئەنجومەنی پارێزگەی کەرکوک کۆبوەتەوە.
کۆبونەوەکە لەماڵی ئەحمەد حەمدانی ئەندامی هاوپەیمانی عەرەبی لەئەنجومەنی پارێزگەی کەرکوک ئەنجامدراوە.
حەمدانی بڵاویکردووەتەوە کە لەکۆبونەوەکەدا پەرلەمانتار موهەیمەن حەمدانی ئامادەبوە، تاوتوێی کۆبونەوەکانی سودانی لەگەڵ لایەنەکانی کەرکوک کراوە تاوەکو بگەنە خاڵێکی گرنگ بەئاراستەی پێکهێنانی حکومەتی خۆجێی کەرکوک.
لەکۆبونەوەکەدا تەنها چوار ئەندامی عەرەبی ئەنجومەن ئامادەبونە کە بریتین لە ( ئەحمەد حەمدانی، زاهر ئەنوەر، محەمەد حافز و رەعد ساڵح ) تەنها راکان جبوری بەشدار نەبوە.
