plus4
پێش 8 مانگ
وەفدێکی باڵای مەکتەبی سیاسی یەکێتی لە دەباشان پێشوازی لە محەمەد حەلبووسی سەرۆكی حزبی تەقەدوم و وەفدێکی هاوڕێی کرد.
لە کۆبوونەوەکەدا بەوردی پرسی ئیدارەدانی كەركوك و تەواوكردنی رێكارە یاساییەكان و پێکهێنانی حکومەتی خۆجێی کەرکوک تاوتوێکراو جەخت لە چارەسەرکردنی کێشەکانی بەردەم ئەم پرۆسەیە کرایەوە بەشێوەیەك هەموو هەوڵەكان لەچوارچێوەی خزمەتكردنی كەركووك و هەموو نەتەوە و پێکهاتەکان بێت بەبێ جیاوازی.
مەکتەبی سیاسی یەکێتیی نیشتمانیی کوردستان جەختی لە هاوبەشێتی راستەقینەو کاری پێکەوەیی کردەوە لە نێوان سەرجەم لایەنە براوەکانی کەرکوک و پاراستنی کەلتووری برایەتی و پێکەوەژیان بە شێوەیەک لە ئیدارەی نوێی کەرکوک هیچ لایەنێک فەرامۆش نەکرێت و ئەولەویەتی کارکردنی داهاتووش خزمەتکردنی کەرکوکییەکان بێت.
داواشکرا لایەنەکان هاوکاربن لە نەهێشتنی بەربەستەکان و زووپێکهێنانی ئیدارەی کەرکوک .
