plus4
پێش 8 مانگ
بەمەبەستی کەمکردنەوەی دیاردەی سواڵکردن کە بەشێوەیەکی بەرچاو لەنێو نەوجەوانان و ئافرەتاندا بڵاوبووەتەوە، بەسەرپەرشتی و فەرمانی فەرماندەی پۆلیسی کەرکوک و هەڵمەتێک بۆ دەستگیرکردنی سواڵکەرانی نێو سەنتەری شارو قەزاکانی سەر بەکەرکوک دەستپێکرد.
لەهەڵمەتەکەدا (18) سواڵکەر کە بریتیبوون لە هاووڵاتیی عێراقی و بەشێکیشیان خەڵکی وڵاتانی تر بوون دەستگیرکران.
پۆلیس دەڵێت: ئامانجی هەڵمەتەکە ڕێگریکردنە لەو کەسانەی کە خۆیان سواڵ دەکەن و ژنانی ئاوارەو منداڵان و هەرزەکارانیش بۆ داهاتی نایاسایی و سواڵکردن بەکاردەهێنن، هەڵمەتەکە بەردەوامدەبێت تا ئەو کاتەی ئەو دیاردەیە بەتەواوی بنبڕ دەکرێت.
