plus4
پێش ٢ ساڵ
بەیانی ئەمڕۆ پێنجشەممە 21ی نیسان، تەرمی دوو چەكداری داعش بەكوژراوی لەلایەن هێزە سەربازیەكانی عێراق لەقەزای خورماتوو دۆزرانەوە، دوای ئەوەی درەنگانی شەوی رابردوو لەچەمێكی نێوان پیرئەحمەد و عەبود، هێزە عێراقیەكان روبەڕووی مەفرەزەیەكی داعش بونەوە.
شانەی راگەیاندنی ئەمنی بڵاویكردووەتەوە، لەروبەڕوبونەوەكەدا دوو چەكداری ئەو گروپە كوژراون و لەنێو چەمەكەدا بەجێماون، بەیانی ئەمڕۆیش تەرمەكانیان كەوتووەتە دەس هێزە سەربازیەكان.
سەرچاوەیەك لەهێزە ئەمنییەكان بە plus4ی راگەیاند: تەرمی ئەو دوو چەكدارەی كەوتوونەتە دەستی هێزە عێراقیەكان جلوبەرگی سەوزیان لەبەردایەو تەنانەت لاشەی خۆشیان سەوز كردووە تاوەكو لەنێو سەوزایی و قەمیشلانەكاندا نەبینرێن و هاتووچۆیان ئاسانتربێت.
وتیشی، داعش هەمیشە لەگەڵ قۆناغ و وەرز و ناوچەكاندا فێڵ و پلانی نوێ بەكاردەهێنێت.
