plus4
پێش ٢ ساڵ
شەوی رابردوو لەلایەن فرۆكەوە حەشارگەیەكی چەكدارانی داعش لەچیای قەرەچوغ بۆردومانكرا، دواتر چەكدارانی ئەو گروپە بۆ تۆڵەسەندنەوە پەلاماری سوپای عێراقیاندا.
غازی فەیسەڵ فەرماندەی هێزی خۆبەخشی قەرەچوغ بە plus4ی راگەیاند: بۆردومانەكەی گوندی هەمزاغەی لەرۆژهەڵاتی قەرەچوغ لەلایەن دوو فرۆكەی هاوپەیمانانەوە ئەنجامدراوە لەئەنجامدا سێ چەكدارانی داعش كوژراون.
وتیشی، چەكدارەكان بۆ تۆڵەسەندنەوە هێرشیان كردە سەر كاروانێكی سەربازی فەوجی یەكی لیوای 96ی فیرقەی 14ی سوپای عێراق لەگوندی سلێمان پەخشانی ناحیەی سەرگەڕان، بۆ ماوەیەكی شەڕێكی قورس رویدا بەهۆیەوە سەربازێك برینداربوو.
