plus4
پێش 8 مانگ
شاخەوان عەبدوڵڵا: کورد زۆرینەیەو پارتی و یەکێتی لەگەڵ ئەوەدان کوردێک بکرێت بە پارێزگاری کەرکوک
شاخەوان عەبدوڵڵا؛ جێگری سەرۆکی پەرلەمانی عێراق ڕایگه‌یاند: بڕیارە لەم ھەفتەیەدا كۆبوونەوەیەك سەبارەت بە پۆستی پارێزگاری كەركوك ئەنجامبدرێت و كورد بەتایبەت پارتی و یەکێتی پێكەوە لەگەڵ ئەوەدان كوردێك بكرێتە پارێزگاری كەركوك.
شاخەوان عەبدوڵڵا؛ دەڵێت: لەم ھەفتەیە كۆبوونەوەکە ئەنجامدەدرێت کە تایبەتە بە پۆستی پارێزگاری كەركوك تا لایەنەكان ڕیكبكەون و پۆستی پارێزگار یەكلایی بكرێتەوە.
جێگری سەرۆکی پەرلەمانی عێراق ئاماژەی بۆ ئەوەشکرد: لەکەرکوک هەمیشە پۆستەکان بە ئیستیحقاقی نه‌ته‌وه‌یی یەکلایی دەکرێنەوە، نەک ئیستیحقاقی حزبی، له‌كه‌ركوكیشدا بەراورد بەهەر نەتەوەیەکی تر، کورد زۆرینەی کورسییەکانی ئەنجومەنی پارێزگای بەدەستهێناوە، هەر بۆیە کورد کاندیدی خۆی دەبێت بۆ پۆستی پارێزگاری کەرکوک.
