Plus4
پێش ٢ ساڵ
مستەفا كازمی سەرۆكی وەزیرانی عێراق، وەزارەتی ناوخۆی راسپارد بكوژانی عەمید عەلی جەمیل بەڕێوەبەری ئاسایش و هەواڵگری فەرماندەیی ئۆپراسیۆنەكانی سۆمەر دەستگیربكات كە لەكاتی هەوڵدان بۆ ناوبژیكردنی دوو عەشیرەت لەپارێزگای زیقار كوژراوە.
هەروەها داوایكردووە بكوژانی ئەو هاوڵاتیەش دەستگیربكەن كە ئەمڕۆ دوای سەلماندنی بێ تاوانی لەروداوێكی كوشتندا، لەبەردەم دادگای زیقار لەلایەن كەسانی نەناسراوەوە كوژرا.
بەیانی ئەمڕۆ فەرماندەیی ئۆپراسیۆنە هاوبەشەكانی عێراق لەبەیاننامەیەكدا كوژرانی بەڕێوەبەری بەشی هەواڵگری ئۆپراسیۆنەكانی سۆمەری راگەیاند كە لەكاتی ناوبژیكردنی نێوان دوو عەشیرەت لەقەزای شەترەی پارێزگای زیقار كوژراوە.
دواتریش پەرلەمانتارانی پارێزگاكە رایانگەیاند: شارەكەیان لەكۆنتڕۆڵی حكومەت دەرچووە و داوایانكرد سەرۆك وەزیران رێوشوێنی بەپەلە بۆ سەپاندنی یاسا بگرێتەبەر.
