plus4
پێش 9 مانگ
دادگای کۆچی سویدی رەزامەندی لەسەر بڕیاری دەرکردنی سەلوان مۆمیکا دەربڕی، ئەو کەسەی لەچەند گرتەیەکی ڤیدیۆیدا دەرکەوت و کتێبی قورئانی پیرۆزی دەسوتاند.
رادیۆی سوید بڵاویکردوەتەوە ، دادگای کۆچی سویدی داواکارییەکەی سەلوان مۆمیکای رەتکردوەتەوەو هەروەها بڕیاری دەرکردنیشی پەسەندکردووە.
ئاماژەی بۆ ئەوەشکردووە مۆمیکا زانیاری ناڕاستی سەبارەت بەداواکاری مانەوەی لەسوید پێشکەشکردووە هەربۆیە دادگا بڕیاری دەرکردنی لەو ووڵاتە پەسەندکردووە.
پێشتریش ئاژانسی کۆچی سویدی بڕیاری دەرکردنی ئەو پەنابەرە عێراقییەی دابوو، بەڵام بەهۆی بوونی چەندین گرفت و مەترسی لەسەر ژیانی ، مانەوەی کاتی پێ بەخشیبوو کە تامانگی نیسانی ئەمساڵە.
سەلوان مۆمیکا کە پەنابەرێکی عێراقییەو لەچەندین گرتە ڤیدیۆیدا لەشوێنە گشتیەکانی سوید دەدەکەوت و کۆپییەکی لە کتێبی قورئانی پیرۆزى دەسوتاند، ئەمەش کاردانەوەی توندی موسوڵمانانی لێکەوتەوە.
