plus4
پێش ٢ ساڵ
ئێوارەی ئەمڕۆ هەینی، لەلایەن تیمێکی پۆلیسی نەهێشتنی تاوانی کەرکوکەوە بکوژی کادرەکەی یەکێتی دەستگیرکرا.
وتەبێژی پۆلیسی کەرکوک بە plus4ی راگەیاند: لەرێگەی کامێرەکانی چاودێریەوە توانرا گومانلێکراوێک دەستگیربکرێت.
وتیشی، دواتر دانی بەتاوانەکەیدا کە لەگەڵ کەسێکی دیکەدا ئەنجامیداوە و دەستیش گیرا بەسەر ئەو دەمانچەو ماتۆرسکیلەکەدا کە تاوانەکەی پێ ئەنجامدراوە.
بەوتەی وتەبێژەکەی پۆلیس، کەسی دووەمی بەشداربوو لەتاوانەکە ناسنامەی لای پۆلیسە بەڵام هەڵاتووە، گەڕان بەدوایدا بەردەوامە.
ئەوەشی خستەڕوو کە تاوانەکە بۆ تۆڵەسەندنەوە لەکێشەیەکی کۆمەڵایەتی ئەنجامدراوە.
پێش چەند رۆژێک رێبوار محەمەد ئەمین کارگێڕی کۆمیتەی پەنجاعەلی لەنێو گەڕەکی پەنجاعەلی لەلایەن دوو چەکدارەوە تەقەی لێکراوە و کوژرا، دواتر بە ماتۆرسکیل هەڵاتن.
