PLUS4
پێش ساڵێک
دەزگەی دژەتیرۆری عێراق ئەنجامی شەڕەکەی ئەمڕۆی هێزەکەی لەسنوری کەرکوک ئاشکرادەکات و دەڵێت:" سێ تیرۆریست کوژراون "
لەراگەیاندراوەکەی دەزگەکەدا هاتووە، بەپێی زانیاری وردی هەواڵگری توانراوە شوێنی چەکدارەکان لەسنوری کەرکوک دەستنیشان بکرێت کە پێشتر چەند کردەیەکی تیرۆرســـتیان لەسنورەکە دژ بەهاوڵاتیان و پۆلیسی فیدرالی ئەنجامداوە.
دەشڵێت، دوای دیاریکردنی شوێنی مەفرەزەکە لەلایەن هەواڵگرییەوە، بەرەبەیانی ئەمڕۆ هێزێکی دژەتیرۆر بۆسەی بۆ دانان و شەڕ رویدا، یەکێک لەچەکدارەکان دوای بەبریندارکردنی خۆی تەقاندووەتەوەو دووانی دیکەش کوژراون.
نیوەڕۆی ئەمڕۆ ئاژانسی هەواڵی plus4 وەک یەکەم دەزگەی میدیایی بڵاویکردەوە، لەگوندی مەحمودیەی ناحیەی رەشاد هێزێکی دژەتیرۆری عێراق روبەڕوی چەکداران بونەتەوە.
