PLUS4
پێش ساڵێک
كاتژمێر 2ی شەوی رابردوو، دانیشتنی پەرلەمانی عێراق بۆ دەنگدان لەسەر هەمواری سێیەمی یاسای هەڵبژاردنی ئەنجومەنی نوێنەران و پارێزگاكان ژمارە 12 بۆ ساڵی 2018 ئەنجامدرا.
لەدانیشتنەكەی شەوی رابردوودا رۆژی 6-11-2023 دیاریكرا بۆ ئەنجامدانی هەڵبژاردنی ئەنجومەنی پارێزگاكان.
هەروەك دەنگ لەسەر ماددەی 16 درا كە جیاكردنەوەی كارتی دەنگدان بەدەستی دەبێت.
ئەنجومەنی نوێنەران دەنگیدا لەسەر ژمارەی پەرلەمانتارانی خولی داهاتوو كە 329 كورسییە.
كورسی ئەنجومەنی پارێزگاكانیش 320 كورسییە و بەسەر پارێزگاكاندا دابەشدەكرێت.
كورسیەكیش بۆ پێكهاتەی مەسیحی لەكەركوك تەرخانكرا.
بەپێی ئەو ماددانەی پەرلەمان دەنگی لەسەریداوە، كاندید پێویستە هەڵگری بەكارلۆریۆس بێت تەنها كاندیدی كۆتای پێكهاتەكان دەتوانێت لەبڕوانامەی ئامادەیی بەسەرەوەبێت، هەروەك 29%ی كاندیدان دەتوانن بە بڕوانامەی دبلۆم و ئامادەیی بەشداربن.
پێویستە كاندید بەتاوانی تاوانكاری و كەتن و پرسی ناموس و بابەتی گەندەڵی سزانەدرابێت.
