PLUS4
پێش ساڵێک
فەرماندەی پۆلیسی کەرکوک هاوڵاتیان ئاگاداردەکاتەوە، لەمەودوا لەکاتژمێر ٧ی ئێوارەوە هاتووچۆی ماتۆرسکیل بەهەموو شێوەیەک قەدەغەیە جگە لەو کەسانەی کاری دلیڤەری بۆ چێشتخانەکان دەکەن.
پۆلیسی کەرکوک هۆشداری دەداتە شۆفێری ماتۆرسکیلەکان، هەر کەسێک لەو وادەیە بەدواوە دەستگیربکرێت روبەڕوی لێپێچینەوەی یاسایی دەکرێت و دەستیش بەسەر ماتۆرسکیلەکەیدا دەگیرێت.
ئەم بڕیارە دوای روداوەکەی ئەمشەو دەرچوو کە لەلایەن ماتۆرسکیلێکەوە تەقە لە کەسێک کرا و بەهۆی سەختی برینەکەیەوە گیانی لەدەستدا.
روداوەکە لەگەڕەکی شۆرجەی شاری کەرکوک رویدا، پێستریش چەند تاوانێک بە ماتۆرسکیل ئەنجامدراوە.
