PLUS4
پێش ساڵێک
ئەمڕۆ یەكشەممە، عەبدولستار عەلی ئەحمەد عزی وەك قایمقامی نوێی داقوق دەستبەكاربوو، ناوبراو فەرمانی كارگێڕی ئەنجومەنی وەزیران و پارێزگاری بەوەكالەتی كەركوكی پێبوە.
دانانی قایمقامی نوێ پێچەوانەی خواست و داوای لایەنە سیاسییەكانی داقوقە و ناوبراو عەرەبە و خەڵكی شاری كەركوكە، پێشتر لێپرسراوی بەشی یاسایی پەروەردەی كەركوك بوە.
لەئێستادا خەڵكی قەزاكە چونەتە بەردەم بینای قایمقامییەت و مانگرتنیان دەستپێكردووە، قایمقامیش قەزاكەی بەرەو كەركوك بەجێهێشتووە.
لەدوای خانەنشینبونی لویس ئەفەندی قایمقامی بەوەكالەتی داقوق، ئەمە دووەم كەسایەتی عەرەبە كە راكان جبوری وەك قایمقام دەستنیشانی دەكات و خەڵكی قەزاكە رەتیدەكەنەوە.
یەكێتی جەخت لە وەرگرتنی ئەو پۆستە دەكاتەوە بەو پێیەی پشكی خۆیەتی و لەكۆی چوار قایمقامییەت، هیچ پۆستێكیان لای كورد نییە.
توركمان و عەرەبی داقوقیش لاریان نییە لەپێدانی پۆستەكە بە كورد تەنها مەرجیان ئەوەیە خەڵكی قەزاكە بێت.
