PLUS4
پێش ساڵێک
ژمارەیەک تیرۆرست دزەیان کردە نێو گوندێکی ناحیەی ریاز ( باشوری کەرکوک ) شەڕو روبەڕوبونەوە رویدا لەئەنجامدا تەرمی تیرۆرستێک بەجێما.
- هێرشەکە چۆن ئەنجامدرا:
ئەمشەو شەممە، مەفرەزەیەکی د11عش کە لە چوار تیرۆرست پێکهاتبون، دزە دەکەنە نێو گوندی شەریفییەی ناحیەی ریاز لەقەزای حەویجە، لەنێو گوندەکە هەڵدەکوتنە سەر ماڵی موختار.
- مەبەستیان بوە دوو نەوەی موختاری گوندەکە بڕفێنن
مەفرەزەکە هەڵدەکوتنە سەر ماڵی ( حسێن عەلی حەردان ) کە موختاری گوندەکەیە بەمەبەستی رفاندنی دوو لە کوڕەزاکانی.
بەڵام لەلایەن کوڕەکانی موختارەوە بەرپەرچ دەدرێنەوەو شەڕ لەنێوانیان دروست دەبێت و دانشتووانی گوندەکەش پاڵپشتی لەماڵی موختار دەکەن.
- هێزی ئەمنی فریایان دەکەوێت
پۆلیسی ریاز و حەشدی شەعبی و فەوجی یەکی لیوای 11 ی فیرقەی سێی پۆلیسی فیدراڵی بەهانای گوندەکەوە دەچن، شەڕێکی قورس رودەدات، لەئەنجامدا تیرۆرستێک دەکوژرێت و تەرمەکە لەنێو گوندەکە بەجێدەمێنێت.
- ناسنامەی تیرۆرستە کوژراوەکە.
هێزە ئەمنییەکان دەستبەجێ ناسنامەی تیرۆرستە کوژراوەکە دەدۆزنەوە، ناوی ( ستار مەحمود نایفە ) خەڵکی گوندی سور- ی ناحیەی ریازە و داواکراو بوە.
تیرۆرستەکانی دیکەش بەئاراستەی وادی نەفەت هەڵدێن.
