PLUS4
پێش ساڵێک
وەزارەتی ناوخۆی عێراق لە بروسکەیەکدا هەموو هێزە ئەمنییەکان لەکەرکوک و پارێزگاکانی تر، ئاگاداریان دەکاتەوە، کاتژمێر 6:00ی ئێوارەی سبەی پێنجشەممە بکەونە دوا پلەی ئامادەباشییەوە.
داواش دەکات، هێزە ئەمنییەکان لەگەڕەکەکان بڵاوبنەوە بۆ رێگری لەدیاردەی دەربڕینی خۆشی بە تەقەکردن.
وەزارەتی ناوخۆ جەخت لەپاراستنی ئەو شوێنانە دەکاتەوە کە بۆ ئاهەنگگێڕان تەرخانکراون و رێگا نەدەن هیچ کەسێک بە چەکەوە نزیک بێتەوە.
داوا لەشئون داخلیش دەکات چاودێری کارمەندانی هێزە ئەمنییەکان بکەن تاوەکو ئەرکەکانیان بەباشی بەڕێوەبەرن.
وەزارەتی ناوخۆ داوا لەهێزە ئەمنییەکان دەکات رێوشوێنی توند دژی تەقەکەرەکان بگرنەبەر و سەروماڵی هاوڵاتیانیش بپارێزن.
